Ciidanka Daraawiishta Puntlland oo howl galo ka sameeyey Buuraha Golis

Boosaaso:-Ciidanka daraawiishta Puntland ee aaga buuralayda Golis ee gobolka Bari ayaa xalay waxaa ay howl gal ka samee yeen degaanka  Cadale iyo Habaar-hawle  waxaan ay howlgalkaas ku dileen mid ka mid ah ciidanka ururka Al-shabaab waxaana ay ku dhaawaceen ilaa saddex kale. Taliyaha ciidan ka Daraawiishta Puntlland ee Aaga Buuraha Golis Col.Jaamac Afgaduud ayaa u sheegay saxaafada in ciidan kiisu ay xalay 10.00 fiidnimo ay weerar kadis ah ku qaadeen xarun ciidan oo ay lahaayeen Al-shabaab iyagoo kala wareegay goobta khasaaro dhimasho iyo dhaawac ahna gaarsiiyey ciidanka Al-shabaab ee ku sugnaa  degaanka Cadale iyo Habaar-hawle.

Taliyaha ciidanka Daraawiishta Puntlland ee Aaga Buuraha Golis Col.Jaamac Afgaduud ayaa sheegay in howl galkaan ay sameeyeen ka dib markii ay heleen xog ku saabsan in ciidan ka tirsan Al-shabaab ay soo galeen mar kale degaanka , Cadale iyo Habaar-hawle arrinkaasna ay ciidanku ku bixisay in ay weerar ku qaadaan.

Taliyaha ciidanka Daraawiishta Puntlland ee Aaga Buuraha Golis Col.Jaamac Afgaduud ayaan sheegin wax khasaaro ah oo soo gaaray ciidanka Puntlland ee howl galka xalay ka fuliyey Buuraha Golis.  Ururka al-shabaab ayaa waxaa ay dhowr jeer oo hore dagaalo ku dhexmareen Buuraha Golis ciidanka daraawiishta ee Puntlland  waxaan dagaaladaas ka dhashay khasaaro iskugu jira dhimasho iyo dhaawac  soo kala gaaray 2-da dhinac, ilaa hadda ma jiro wax war ah oo ka soo baxay ururka Al-shabaab oo ku aadan howl galka xalay ay sameeyeen ciidanka daraawiishta ee Puntlland Buuraha Golis.

M_M_Deeq
Halgan.net