Culimo uu ka mid yahay Sh Axmed Cabdisamad oo booqday xalay Sh. Xasan Daahir Aweys

Muqdisho:-Waxaa xalay salaadii cishe ka dib ku booqday xarunta nabadsugida ee uu ku xiran yahay Sh Xassan Daahir Aweys culimo ka tirsan culimada Soomaaliyeed ee uu horkacayey Sh Axmed Cabdisamad iyo culimo kale. Booqashadaan ayaa ahayd mid culimadu ay doonayaan in ay bal soo eegaan Shiikh Xassan Daahir xaalka uu ku sugan yahay iyo  in culimada ay iska waraystaan xaalada guud ee Soomaaliya.

Culimadaan oo ahaa  kuwa ay Sh Xassan Daahir  Awys ay soo wada shaqeeyeen mudo dhan ku dhawaad 40 sanno aya waxaa dhex maray is waraysi iyo wada hadal dheer, Sh Axmed Cabdisamad oo ka mid ahaa culimadaas ayaa  sheegay in Shiikh Xassan Daahir Aweys uu caafimaadkiisu fiican yahay  oo qofkii horay u yaqaanay uu garanayo Shiikh laakiinse laga dareemayo  xaaladii  uu ku sugnaa sanadihii danbe ee uu ku noolaa goobaha ay ururka Al-shabaab ka taliyaan gaar ahaa degmada Baraawe.

Wadahadala dhexmaray culimada uu ka mid yahay Sh Axmed Cabdisamad  iyo Sh Xassan Daahir Aweys ayaan dib idinkaga soo gudbin doonaa insha Allaahu

A/cawaale
Halgan.net