Dowlada Federaalka Soomaaliya oo shirkad ka socta Turkiya ku wareejisay Garoonka Aden Cadde.

Muqdisho:-Waxaa maanta ay DFS ay si rasmi ah ugu wareejisay garoonka Diyaaradaha ee Aden Cadde shirkad cusub oo laga leeyahay dalka Turkiga oo la yiraahdo Favori waxaana xaflada goobjoog ka ahaa masuuliin ka tirsan DFS.

Wasiirka warfaafinta Boostada iyo isgaarsiinta Dowlada federaalka ee Soomaaliya C/laahi Ciilmooge Xersi ayaa warbixin kooban siiyey warbaahinta isaga oo ku sugan garoonka diyaaradaha ee magaalada Muqdisho wuxuuna sheegay in shirka Favori ay si rasmi ah ula wareegtay adeega garoonka Diyaaradaha ee Aden Cadde.

Dhanka kale Wasiirka warfaafinta ee DFS ayaa si adag u beeniyey warar lagu faafiyey warbaahinta ka howlgasha magaalada Muqdisho iyaga oo sheegay in wasiirku uu diidan yahay in shirkadii SKA laga wareejiyo adeega ay ka haysay garoonka Diyaaradaha wuxuuna ku tilmaamay warkaas mid aan sal iyo raad toona aan lahayn.

Shirkada SKA ayaa mudo dhowr sano ah waxay gacanta ku heysay garoonka diyaaradaha ee magaalada Muqdisho waxaana maanta kala wareegay shirkada SKA shirkad cusub oo laga leeyahay dalka Turkiga oo la yiraahdo Favori

A/Cawale
Halgan.net