2 Qarax oo caawa ka dhacay Degmada Wajeer ee gobalka W/Bari Kenya

Wajeer:-Wararka ka imaanaya caawa magaalada Wajeer ee gobalka waqooyi Bari Kenya ayaa sheegaya in ay caawa ay ka dhaceen ilaa labo qarax oo is xigay waxaana ka dhashay khasaaro kala duwan. Warar hordhac ah oo ay faafiyeen waraahinta ka howl gasha dalka Kenya ayaa sheegay in ilaa haatan ay 3 qof ku dhaawacmeen ayna ciidanka Kenya ay wadaan howlgalo.

Wargeyska DailyNation oo ka mid wargeysyada ka ugu afka dheer dalka Kenya ayaa ka xaqiijiyey qarax ka dhacay Wajeer OCPD Degmada Wajeer Isiaih Odhiambo. Qaraxa Caawa ka dhacay Degmada Wajeer ayaa ku soo aaday xili dowlada Kenya ay ku baaqday Baroordiiq 3 maalmood ah ka dib weerarkii ay Al-Shabaab ku qaaciyeen xarunta ganacsiga ee Westgate Mall waxaana ku dhintay weerarkaas 67 qof halka ay ku dhaawacmeen in ka badan laba boqol oo qof.

Ilaa haatan si rasmi ah looma yaqaan khasaaraha dhabta ah ee ka dhashay labada qarax ee ka dhacay caawa Degmada Wajeer.

A/Cawale
Halgan.net