Madaxweynaha maamulka KMG ee Jubba oo shir jaraa’id ku qabtay magaalada Kismaayo

Kismaayo:-Madaxweynaha maamulka KMG ee Jubba Axmed Maxamed Islaam (Axmed Madoobe) ayaa galabta shir jaraa’id ku qabtay magaalada Kismaayo ee xarunta gobalka J/hoose

Axmed Madoobe ayaa waxaa uu ka warbixiyey heshiiskii dhawaan dhexmaray maamulka Juba iyo DFS kaas oo ka dhacay magaalada AdisAbaba ee xarunta dalka Itoobiya.

Madaxweynaha maamulka KMG ee Jubba Axmed Maxamed Islaam (Axmed Madoobe) ayaa waxaa uu sheegay in la dhammeeyay khilaafkii u dhaxeeyay dowladda Federaalka Soomaaliya iyo maamulka KMG ee Jubba waxaana uu ka dhawaajiyey in uu safar ku tagi doono magaalada Muqdisho.

Madaxweynaha maamulka KMG ee Jubba ayaa waxaa uu sheegay sidoo kale in dhawaan madaxweynaha DFS Xasan Sheekh Maxamuud uu imaaan doono magaalada Kismaayo waxaana uu uga mahad celiyey dadaalka uu ku bixiyey in la xaliyo khilaafkii ka dhexjiray DFS iyo maamulka KMG ee Juba.

Madaxweynaha maamulka KMG ee Jubba Axmed Maxamed Islaam (Axmed Madoobe) ayaa sidoo kale sheegay in uu soo dhameystiri doono maamulkiisa Juba.

Dadweynaha ku dhaqan magaalada Kismaayo ayaa dhowraya shirarka ka kala dhici doona magaalada Muqdisho iyo Kismaayo.

Cabdi Yare
Kismaayo