Madaxweynaha Puntland C/raxmaan Faroole iyo wafdi uu hogaaminayo oo gaaray Brussels

>Brussels:-Madaxweynaha Dowladda Puntland Dr. Cabdiraxman Maxamad Faroole iyo wafdiga uu hogaamiyo ayaa goordhow gaaray magaalada Brussels ee xarunta dalka Biljam.

Wafdiga Madaxweynaha Puntland ayaa waxaa garoonka Diyaaradaha ee Brussels ku soo dhaweeyey Wakiilka EU u qaabislan arimaha Soomaaliya Michele Cervone d’Urso .

Wafdiga Madaxweynaha Puntland ayaa waxaa socdaalkiisa ku weheliya Wasiirka Caafimaadka Dr. Cali Cabdullahi Warsame ,Dr. Cabdrisaaq Cusman Jurile iyo Dr. Maxamad Xasan Barre iyo masuuliin kale oo ka tirsan maamulka Puntland.

Wafdiga Madaxweynaha Puntland ayaa waxay ka qeyb gali doonaan shirka New Deal ee ka dhici doona magaalada Brussels ee xarunta Midowga Yurub waxaana Puntland ay si rasmi ah u heshay casumaad gaar ah.

Waxaa sidoo kale shirka New Deal ka soo qeyb gali doona Madaxweynaha Galmudug Cabdi Qeybdiid,Madaxweynaha Maamulka Juba Ahmed Madoobe

.Madaxweynaha DFS Xassan Sh.Maxamuud iyo wafdi balaaran oo uu hogaaminayo ayaa la filayaa in uu galabta soo gaaro magaalada Brussels si uu uga qeyb galo shirka News Deal oo maalinta birito ah ka furmi doona Brussels.

M_M_Deeq

Halgan.net