Maxkamadda ciidanka DFS oo dil toogasho ah ku xukuntay labo askari

Muqdisho:-Maxkamadda ciidamada DFS ayaa dil toogasho ah ku xukuntay labo askari oo ka tirsan DFS kuwaas oo kala ah labo xiddigle Yaxye Sheekh Cabdullaahi iyo Xuseen Cali Axmed oo xubin ka ah ciidamo madani ah oo ka howlgala degmada Wadajir ee gobolka Banaadir,

Labada Askari ayaa waxaa lagu eedeeyey in ay fal dil ah ka geysteen magaalada Muqdisho Guddoomiyaha maxkamadda ciidammada DFS Liibaan Cali Yarow ayaa ku dhawaaqay xukunka labada askari wuxuuna sheegay in ay dileen labo askari oo kale.

Guddoomiyaha maxkamadda ciidammada DFS Liibaan Cali Yarow ayaa sheegay in maxkamada aysan marna cafin doonin cid ka tirsan ciidanka DFS oo geysta fal danbiyeed.

Waa Markii Labaad oo ay Maxkamada ciidanka DFS ay dil toogasho ah ku fuliso askar ka tirsan DFS oo dil ka geystay magaalada Muqdisho .

A/Cawale
Halgan.net