Milkiilaha Maqaaxida The Village oo beeniyey hadalkii ka soo yeeray Al-shabaab

Muqdisho:-Milkiilaha Maqaaxida The Village Axmed Jaamac ayaa beeniyay inuu wax xiriir ah la leeyahay Sirdoonada dalka Ingiriiska ee MI5 iyo MI6 waxaana uu been abuur ku tilmaamay hadal ka soo yeeray Afhayeenka howlgalada Al-Shabaab C/casiis Abu Muscab.

Milkiilaha Maqaaxida The Village ayaa sheegay in uu yahay muwaadin Soomaaliyeed oo dalkiisa dib ugu soo laabatay si uu u maalgishto waxaana uu sheegay in weerarada Al-shabaab ku hayaan Maqaaxida The Village aysan wax saameyn ah ku yeelan doonin.

Axmed Jaamac Milkiilaha Maqaaxida The Village ayaa la hadlay qaar ka mid ah warbaahinta ka howlgasha magaalada Muqdisho wuxuuna sheegay in Milkiilaha Maqaaxida The Village ay ka shaqeeyaan dhalinyaro badan oo aan markii hore wax shaqo ah aan heysan.

Milkiilaha Maqaaxida The Village ayaa ah maqaaxiyaha ugu caansan magaalada Muqdisho waxaana dhowr mar weeraro la beegsaday Ururka Al-Shabaab halkaas oo ay ku dhinteen dad rayid ah

Afhayeenka Al-Shabaab ayaa sheegay in jawaasiis u shaqeysa sirdoonka Sirdoonada dalka Ingiriiska ee MI5 iyo MI6 ay ka howlgaaan maqaaxida The Village .

Qaraxii shalay ka dhacay Maqaaxida The Village ayaa waxaa ku dhintay 15 qof oo rayid ah oo ay dumar ku jiraan waxaana sidoo kale ku dhaawacmay laba wariye oo ka howlgala magaalada Muqdisho.

A/Cawale
Halgan.net