Nabadoon caawa lagu dilay degmada Beledweyne ee xarunta gobolka Hiiraan

Beledweyne:-Wararka caawa naga soo gaaraya degmada Beledweyne ee xarunta gobolka Hiiraan ayaa sheegaya in caawa Rag bastoolado ku hubeysan ay ku dilay magaalada Beledweyne nabaddoon Xuseen Macallin Maxamuud. Nabadoon Xuseen Macallin Maxamuud ayaa la dilay markii uu ka soo baxay Masjid
ku yaal degmada Beledweyne ee xarunta gobolka Hiiraan oo ku soo tukaday salaadii maqrib.

Dilka alaha u naxariistee Nabadoon Xuseen Macallin Maxamuud ayaa waxaa xaqiijiyey Taliyaha qeybta booliska ee gobolka Hiiraan G/sare Isaaq Cali Cabdulle waxaana uu dilka Nabadoonka uu ku eedeeyey kooxaha amniyaadka ee Ururka Al-Shabaab.

Qaar ka mid ah Dadweynaha ku dhaqan gobalka Hiiraan ayaa ku eedeeyey Maamulka gobalka iyo kan degmada DFS in ay ku fashilmeen sugida amaanka degmada Beledweyne . Goobta dilka ka dhacay ayaa waxaa soo gaaray ciidamo ka tirsan DFS iyo kuwa Jabuuti oo ka tirsan AMISOM iyaga oo bilaabay baaritaano waxaa goobta isaga baxsaday laba dhalinyaro ah oo dilay Nabadoon Xuseen Macallin Maxamuud

Cabdi yare
Halgan.net