Puntland oo sheegtay in ay qaadaceen Shirka ka furmay magaalada Muqdisho

Garoowe:- Dowladda Puntland ayaa maanta waxaa ay si rasmi ah u shaaciyeen in aysan ka qayb geli doonin shir ay Dowllada Federaalka Soomaaliya ku qabanayso magaalada Muqdisho shirkaas oo looga hadlayo arrimo badan oo ku saabsan Soomaaliya. Wasiirka warfaafinta Dowlada Puntland Prof. Axmad Shiikh Jaamac oo shir jaraa’id ku qabtay magalada Garoowe  ayaa sheegay in Puntlland aysan qayb ka ahayn shirk aka dhacay Muqdisho oo shirkaas uu yahay oo kaliya mid ay wado dowladda Federaalka Soomaaliya wixii ka soo baxa oo go’aamana aysan aqbali doonin.

Wasiirka warfaafinta Dowlada Puntland Prof. Axmad Shiikh Jaamac ayaa ku eedeeyey madaxda Dowladda Federaalka in ay xagal daacinayaan nidaamkii Federaalka ee ku qoran Dastuurka Soomaaliya ayna ku hishiiyeen bulshada Soomaaliyeed, Wasiirka ayaa sheegay in shirka ka dhacay Muqdisho uu yahay mid lagu wiiqayo awooda maamulad  Federaalka Soomaaliya  ee dalka ka jira ama dhismi doona.

Dhinac kale Wasiirka maaliyada Puntland Faarax Cali Jaamac  oo isagana ka hadlay shirka jaraa’id ee uu qabtay Wasiirka warfaafinta Dowlada Puntland Prof. Axmad Shiikh Jaamac ayaa sheegay in Puntlland ay xiriirka u jartay dowladda Federaalka Soomaaliya ka dib markii ay hareer mareen Dastuurkii dalka ee Federeaalka ahaa sidaas darteedna shirka ka dhacay Muqdisho aysan qayb ka ahayn Puntland laguna casumin cid u matalaysaana aysa jirin.

Warka ka soo yeeray Puntlland maanta ayaa ku soo beegmaya xili maalmahaan la hadal haye wada hadalo hoose oo u soconaya Dowllada Federaalka Soomaaliya iyo Puntlland arrinkas oo uu ku dhawaaqay Madaxweynaha dowladda Federaalka Soomaaliya.

M_M_Deeq
Halgan.net
.