.gif)
Qaraxyo caawa ka dhacay degmooyinka Hodan iyo Wadajir ee gobalka Banaadir
September 4, 2013 - Written by EditorMuqdisho:-War haatan naga soo gaaray magaalada Muqdisho ayaa sheegaya in weeraro lagu qaaday xarumaha ciidanka DFS ay ku leeyihiin Degmada Hodan waxaana weerarka qaabka uu u dhacay ka soo baxaya warar kala duwan.
Wariyaha Halgan.net ee magaalada Muqdisho oo xiriir kala duwan la sameeyey dadweyne ku dhaqan degmooyinka Hodan iyo Wadajir waxaana ay u sheegeen in ilaa 4 qarax ay ka dhaceen degmooyinka Hodan iyo Wadajir .
Warar hordhac ah oo aan ka helnay magaalada Muqdisho ayaa sheegaya in qof ismiidaamiyey uu dilay hal qof oo rayid ah tiro kale oo ka tirsan ciidanka DFS uu soo gaaray dhaawac kala duwan degmada Hodan .
Ilaa haatan ma jirto cid ka tirsan DFS oo ka hadlay qaraxyada ka dhacay magaalada Muqdisho gaar ahaan Degmooyinka Hodan iyo Wadajir.
Wixii warar ah ee soo kordha kala soco dhawaan Halgan.net.
A/Cawale
Halgan.net
