Sh.Bashiir Axmed Salaad oo ka warbixiyey shirka ka socda Muqdisho.[Dhagayso]

Muqdisho:-Sh. Bashiir Axmed Salaad oo ka mid ah culimada dalka Soomaaliyeed kuwa ugu waaweyn ahna Guddoomiyaha  Hay’adda Culimada dalka Soomaaliyeed ayaa waxaa uu ka war bixiyey shirka culimada Soomaaliyeed uga furmay Muqdisho loogana hadlayo Xadgudubka diineed ee ay ku dhaceen ururka Al-shabaab , Shirkaan ayaa waxaa fikrigiisa lahaa culimada Soomaaliyeed iyagoo ku baaqay in shir la qabto ka dib markii ururka Al-shabaab ay ku dileen magaalada Garoowe xili uu ku gudo jiray Salaad casar Rakcadii 3aad Shiikh. Cabdulqaadir Nuur Faarax Allaha u naxariistee.

Sh Bashiir Axmed Salaad ayaa waxaa waraysi gaar ah oo uu siiyey Idaacadda BBC-da ayaa waxaa uu xusay in shirkaan la doonayo in lagu dawaeeyo xadgudubka diineed ee ay ku dhaceen ururka Al-shabaab taas oo laga eegi doono dhinacyo badan sidda dhinac diinta iyo weliba dhinac siyaasada , culimada iyo waxgaradka kale ee ka soo qayb gashay shirka ayaa waxaa uu  Sh Bashiir Axmed Salaad sheegay in ay ka kala yimaadeen gobollad dalka iyo weliba daafaha caalamka.

Hoos ka Dhagayso waraysi Sh Bashiir Axmed Salaad uu siiyey Idaacadda BBC-da laanta Afka-Soomaaliga.

[audio:https://halgan.net/Mp3/waraysishbashiir bbc-da.mp3] ama Halkaan ka dhagayso

Dhinac kale Sh.Bashiir Axmed Salaad ayaa furtitaanka Shirka hadal uu ka jeediyey waxaa uu xusay Ahmiyada uu leeyahay shirka loogana fadhiyo culimada Soomaaliyeed in ay ka soo saaraan go,aan lagu daweynayo xadgudubka diineed si dadka Soomaaliyeed loogu badbaadiyo diintood  oo ah rasumaalkooda rasmiga ah.

Hoos ka Daawo Sh Bashiir Axmed Salaad oo ka warbixiyey Shirka Muqdisho iyo sababah loo qabtay

A/cawaale
Halgan.net