Wafdi uu hogaaminayo madaxweynaha Jubba oo gaaray Kismaayo

Kismaayo:-Wafdi uu hogaaminayo madaxweynaha Maamulka Jubba Sheekh Axmed Maxamed Islaam (Axmed Madoobe) ayaa maanta soo gaaray magaalada Kismaayo ee xarunta gobalka J/hoose waxaana socdaalkiisa ku weheliya masuuliin ka tirsan Maamulka Juba .Madaxweynaha Maamulka Jubba Sheekh Axmed Maxamed Islaam (Axmed Madoobe) ayaa waxaa ku soo dhaweeyey garoonka diyaaradaha ee magaalada Kismaayo mas’uuliyiin ka tirsan maamulka Jubba iyo saraakiil ka tirsan ciidanka Maamulka Jubba iyo AMISOM.

Wafdiga madaxweynaha Maamulka Jubba Sheekh Axmed Maxamed Islaam (Axmed Madoobe) ayaa waxaa loo galbiyey xarunta Madaxtooyda ee magaalada Kismaayo waxaana la filayaa in uu la hadli doono dhawaan saxaafadda ka howl gasha magaalada Kismaayo si uu uga warbixiyo heshiiskii ay Maamulka Jubba iyo DFS ku kala saxiixdeen magaalada Adisababa ee xarunta dalka Itoobiya .

Cabdi Yare
Kismaayo