Weerar lagu qaaday Westagate Mall iyo Ururka Al-Shabaab oo sheegtay

Nairobi:-Kooxo ku hubeysan oo aan ilaa haatan la aqoon heybtooda ayaa waxay weerar ku qaadeen gudaha Suuqa caanka ah oo lagu magacaabo Westagate Mall oo ku yaal xaafada Westland ee magaalada Nairobi. Kooxda weerarka ku qaaday suuqa Westagate Mall ayaa waxay ku hubeysnaayeen hubka daraandooriga u dhaca iyo Bambaanooyinka gacanta laga tuuro waxaana weerarka uu sababay khasaaro leh dhimasho iyo dhaawac

Kooxdan hubeysan ayaa rasaas iyo bambaanooyin la beegsaday dadkii ka adeeganayey Westagate Mall waxaana halkaas ku dhintay 26 ruux halka uu dhaawac sii marayo ilaa 56 qof . Goobjooge ku sugnaa Westagate Mall xiligii uu dhacay weerarka ayaa sheegay in kooxda weerarka ku qaaday suuqa ay 3 irid ka soo galeen iyaga raas ooda uga qaadeen shacabkii ka dukaameysanayey suuqa Westagate Mall wuxuuna sheegay in weerarka uu dhacay abaarihii 12kii duhurnimo .

Taliyaha ciidanka booliska Kenya David Kimaiyo ayaa hoggaaminaya howlgalka lagu badbaadinayo dadka ku dhex jira suuqa Westagate Mall ayaa sheegay in ciidanka amniga ee Kenya ay ku hareereysan yihiin suuqa Westagate Mall .Dableyda hubeysan ee weerartay suuqa Westagate Mall ayaa wili ku sugan dhismo ka mid ah suuqa waxaana ay rasaas is weydaarsanayaan ciidanka milatariga oo haatan ku soo biiray howlgalada .

Ururka Al-Shabaab ayaa sheegtay weerarka lagu qaaday xarunta Westgate Mall waxaana lagu faafiyey barta Twitterka ay ku leeyihiin kooxda Al-Shabaab waxayna sheegeen in ay weerarka uu jawaab u yahay soo galida ciidanka Kenya gobolada Jubbada Hoose iyo Gedo 21, October 2011 iyo xadgudub ay ka geysteen gobaladaas.

Cabdi yare
Halgan.net