Guddiga Doorashada Puntland oo soo afmeeraya qabashada Araajida Musharaxiinta

Garoowe:-Guddiga doorashada Puntland oo maanta soo afmeeraya is diiwaan-gelinta musharixiinta Puntland ee u taagan in ay qabtaan xilka madaxweynaha iyo Madaxweyne  ku xigeenka Puntland .

Doorashada  xilka madaxweynaha iyo Madaxweyne  ku xigeenka Puntland ayaa waxaa ay ka dhici doontaa Puntland magaalada Garoowe 8 bishan 2014 waxayna hoolka golaha shacabka waxayna bilaaban doontaa saacadu marka ay tahay 8:00 subaxnimo .

Guddiga doorashada Puntland ayaa hore u shaaciyey shuruudaha iyo araajida wakhtiga la qabanayo waxaana ka socda maanta xafiiska gudiga doorasha Puntland isdiiwaan galin qaar ka mid ah musharaxiinta u taagan xilka madaxweynaha iyo Madaxweyne  ku xigeenka Puntland .

Ilaa iyo haatan waxaa is diiwaan galiyey oo buuxiyey araajida doorashada musharaxiinta u taagan xilka Madaxweynenimada Puntland

1-Dr C/raxmaaan Maxamed Faroole
2-Prof. Cabdi Weli Maxamed Gaas
3-Dr.Cali Xaji Warsame
4-Shire Xaaji Faarax

Waxaa sidoo kale xilka Madaxweynenimada Puntland ka haray

1-Cabdirisaaq Nuur Calluula
2-Dr.Saadiq Eenow
3-Dr.Yaasiin Faarax Cartan
4-Maxamed Cali Yuusuf Gaagaab.
5-Cali Xaaji Dhagoole
6-Cabdiraxmaan Gablax
7-Xaji Maxamed Yaasiin
8-Cabdulaahi Daahir Maxamuud Afqurac.

Dhinaca kale xilka Madaxweyne ku xigeenka Puntland ayaa waxaa u tartamaya musharaxiinta kala ah
1-Jen Cabdi Samed Cali Shire
2-Axmed Cilmi Cismaan Karaash
3-Eng Maxamuud Caydiid Dirir

Doorashada ka dhacaysa Puntland 8 bishan ayaa waxaa goobjoog ka noqon doona wakiilo ka socda QM ,IGAD iyo wakiilo kale oo ka socda beesha Caalamka.

A/Cawale
Halgan.net