Gudiga KMG ee Doorashada Puntland oo lagu Dhawaaqay.

Garoowe:-Goalaha Wakiilada cusub ee Puntland ayaa maanta kulankii ugu horeeyey isigu yimid xarunta golaha baarlamaanka ee dowlada Puntland waxaana kulanka shir Gudoomiyey Cali Axmed Cismaan oo shalay ay golaha wakiilada Puntland u doorteen gudoomiye KMG ah

Kulankii ay saaka isigu yimaadeen Xildhibaanada cusub ee baarlamaanka Puntland ayaa waxaa lagu go’aamiyey xilliga ay dhacayso shirguddoonka Baarlamaanka Puntland waxaana si aqlabiyed ah la isigu raacday maalinta sabtiga 4-01-2014 markaas oo la dooran doono Gudoomiyaha baarlamaanka Puntland iyo ku xigeenkiisa .

Guddoomiyaha kumeelgaarka ah ee Golaha Wakiilada Puntland Cali Axmed Cismaan ayaa maanta ku dhawaaaqay guddiga KMG oo diyaarin doona doorashadda Puntland waxayna kala yihiin

Saadiq Abshir Garaad Waa Guddoomiye
Axmed Jaamac Cabdulle Xubin
Xassan Siciid Xaaji Xasan Xubin
Maxamuud Faarax Warsame Xubin
Cumar Maxamuud Irbad Xubin

Gudoomiyaha guddiga doorashadda ee KMG ah Saadiq Abshir Garaad ayaa sheegay in ay durbo soo gaareen codsiyo badan kuwaas oo ka yimid xildhibaano ka tirsan golaha baarlamaanka Puntland kuwaas oo doonaya  in ay u tartamaan  xilka Afhayeenka Baarlamaanka Puntland.

M_M Deeq
Halgan.net