C/Nuur (Biindhe) oo ka mid ah Madaxweynayaashii Khaatumo oo soo gaaray Garoowe

Garoowe:-Cabdinuur Cilim Qaaje  (Biindhe) oo ka mid ah madaxweynayaashii Khaatumo, ayaa soo gaaray magaalada Garoowe caasimadda Puntland.Biindhe, ayaa muddooyinkii ugu dambeeyey waxa uu ku sugnaa magaalada Boocame ee gobolka Sool, isagoona shalay ka soo kicitimay halkaas, isla markaasna u soo gaaray magaalada Garoowe, waxaana jiray wada hadal dhex maray isaga iyo mas’uuliyiinta cusub ee Puntland.

Wararka aanu ka heleyno ilo xogogaal ah oo ku dhow madaxtooyada, ayaa sheegaya in Mr.  Biindhe, uu ka mid noqonayo wasiirrada xukuumadda Puntland, iyadoo taasna loo sababeynayo imaanshihiisa magaalada Garoowe.

Cabdi Nuur Cilim Qaaje  Biindhe, ayaa ka mid ahaa saddexdii madaxweyne ee sanadkii 2012kii magaalada Taleex, loogu magacaabay Khaatumo, iyadoo horeyna uu Garoowe u yimid Axmed Karaash, oo ka mid ahaa madaxdaas, walow mar dambe uu soo baxay war sheegaya in xilalkii laga qaaday Axmed Karaash iyo Biindhe, balse arrinkaas waxaa ku gacan seyray Biindhe iyo Ugaas Cabdulaahi Ciise Nuur oo magaalada Boocame si wadajir ah uga hadlay.

Halgan.net/Somalireal
Garoowe,Somalia