Nabadoon Maxamuud Maxamed Faarax Garawaan oo caawa Garoowe Lagu dilay.

Garoowe:-Allaha ha u naxariistee waxaa caawa lagu dilay magaaladda Garoowe ee xarunta Puntland Nabadoon Maxamuud Maxamed Faarax Garawaan (Xamari) oo ahaa

Nabadoon caan ah oo si weyn looga yaqaaney magaalada Garoowe waxaana uu Nabadoon u ahaa Marxuumka la dilay Beesha Leelkase reer Xasan ee gobolka Nugaal

Allaha ha u naxariistee Nabadoonka ayaa waxaa dilay koox ku hubeysan bastoolado xili uu ku sii jeeday hoyga uu ka degna magaalada Garoowe.

Ciidamada ammaanka ee magaaladda Garoowe ayaa goobta soo gaaray dilka ka dib iyaga oo baaritaano ka bilaabay magaalada  ilaa haatan lama yaqaan cida dishay Nabadoonka iyo sababta ay u dileen.

Waxgaradka iyo Cuqaasha ku dhaqan magaalada Garoowe ayaa aad uga xumaaday dilka loo geystay caawa Nabadoon Maxamuud Maxamed Faarax Garawaan (Xamari) waxaana ay ciidamada amaanka ka dalbadeen in si degdeg ah loo qabto dhagarqabayaashii dilka geystay.

Nabadoon Maxamuud Maxamed Faarax Garawaan (Xamari) ayaa waxaa uu ifka uga tagay alaha u naxariistee 5 caruur ah.

M_M Deeq
Halgan.net