Ciidamada DFS oo la wareegay gacan ku haynta Degmada Guriceel

Guriceel:-Ciidamada DFS ayaa maanta si rasmi ah ula wareegay gacan ku haynta Magaalada Guriceel ee Gobolka Galgaduud ka dib markii ay halkaas isaga baxeen kooxda la baxday Ahlu suna ee suufiyada oo mudo badan ka talin jirtay Degmada Guriceel.

Ciidamo daacad u ah DFS ayaa saaka kasoo ambabaxay duleedka Degmada Dhuuso Mareeb waxayna gudaha u galeen Degmada Guriceel iyada uusan wax dagaal ah ka dhicin waxaana Degmada Guriceel isaga baxay Suufiyadii.

Guddoomiye kuxigeenka Magaalada Guriceel ee Gobolka Galgaduud Cali Baashi Aadan Diiriye oo la hadlay qaar ka mid ah warbaahinta magaalada Muqdisho ayaa wuxuu xaqiijiyay inay la wareegeen gacan ku heynta Degmada Guriceel.

Xaalada Degmada Guriceel ayaa degan balse waxaa wili taagan Saan-saan colaadeed ka dib markii ay ciidanka kooxda Ahlu suna ay difaac ka galeen duleedka Degmada Guriceel.

Waxgaradka iyo Nabadoonada gobalka Galgaduud ayaa wada dadaal lagu soo afjarayo colaad gobalka Galgaduud taas u dhexeysa dadka ka soo wada jeeda Degmooyinka Guriceel iyo Dhuusamareeb oo ka taabacsan Ahlu suna iyo DFS waxaana khilaafka uu salka ku hayaa qaabka dhismaha maamulka G/dhexe.

A/Cawale
Halgan.net