.gif)
Dagaal ka dhacay maanta Degmooyinka Jalalaqsi & Buulabarde
December 30, 2014 - Written by Editor
Buulo Burde:-Wararka naga soo garay Gobolka Hiiraan ayaa sheegaya in ciidamo ka tirsan Al-Shabaab ay galabta wadada u galeen gurmad raashin ah oo ay ciidanka DFS u iyo kuwa AMISOM ay u wadeen Degmada Buulo Burde ee gobalka Hiiraan.
Degmada Buulo Burde iyo deegaano kale ayaa waxaa go,doomiyey Al-shabaab iyagoo sheegay in ay gumadka ka jarayaan ciidamada DFS iyo kuwa AMISOM taasna ay sababtay in deegaano
ka tirsan Gobolka Hiiraan gaar ahaan degmada Buulo Burde ay ka jirto xaalad adag dadna ay u dhintaan haraad iyo gaajo.
Ciidanka DFS ee ka ruqaansaday Degmada Jalalaqsi iyo Degmada Buulo Burde si ay raashinka gargaarka u gaarsiiyaan shacabka ku dhaqan Degmada Buulo Burde waxaanse weeraro dhab gal ah u dhigay Al-Shabaab waxaana la soo sheegayaa in ilaa maqribkii uu dagaalku socday waxaana la isku horfadhiyaa deegaano ku dhow Degmada Buulo Burde.
A/Cawale
Halgan.net
