Deegaanka Koromey oo ka tirsan Mandheera oo lagu dilay 36 Kenyaan ah

Kenya:-Wararka naga soo gaaraya magaalada  Mandheera ee dalka Kenya ayaa sheegaya in koox hubeysan ay weerar ku qaadeen  saaka deegaan Koromey oo u jira 15-km Magaalada Mandheera ee dalka Kenya waxaana ay ku dileen 36 ruux.

Kooxda weerarka geystay ayaa  dadka u kala saaray Muslim iyo Kirishtaan,waxaana ay toogteen dadkii Kirishtaanka ahaa oo gaarayey 36 ruux kuwaas oo ka shaqeysanayey goob Kaawada laga qoto .

Tv Al Jazeera qeybtiisa Englishka ayaa wariyaha u jooga dalka Kenya Catherine Soi  waxaa uu xaqiijiyey in weerarka uu dhacay dad badan ay ku dhinteen inta hada la sheegayna ay yihiin 36 qof.

Kooxda Al-Shabaab ayaa 28 macalimiina ah horey ugu dilay deegaan ka tirsan Degmada Mandheera waxaana buuq iyo caro ka muujiyey xildhibaanada ka tirsan baarlamaanka dalka Kenya.

Ilaa haatan ma jiraan cid sheegatay weerarka saaka aroortii ka dhacay deegaan Koromey oo u jira 15-km Magaalada Mandheera ee dalka Kenya .

A/Cawale
Halgan.net