Kulankii culimada iyo Ardayda Jaamacadda [PSU] ee magaalada Garoowe.[Masawiro]

Garoowe:-Qaar ka mid ah culimadii Nadwada ka waday magaalada Garowe ayaa kulan la qaatay Ardayda Jaamacada PSU ee Caasimada dowladda Puntland waxaana  Culimadaan hogaaminayay Fadiilatu Sh.Cabdi Naasir Xaaji Axmed Allaha xifdiyee waxaana kulankaan ku weheshay Sh.Cabdi Qani Qorane Maxamed waxaana 2-da Sheekh ardayda kala hadleen siday u noqon lahaayeen  Arday  bulshadu ku dayato.

Ardaydaan oo dhamaantood u soo baxay siday u dhagaysan lahaayeen Culimada isla markaana su,aalo u weydiin lahaayeen waxaana Culimadu ardayda ku dhiiri galisay waxbarashada gaar ahaan  barashada diinta Islaamka  waxayna uga digtay Tahriibta oo ah mid aan sina ku banaanayn.

Waxaa kale oo Culimadu uga digtay  ardayda inxiraafka iyo in ay diina si xun u fahmaan waxayna arday usheegeen aqoonta aad barateen in ay ka mid tahay waxyaabaha Aakhiro Allah weydiinayo sidaas darteedna ay mudan tahay in waxaad baratid oo khayr ah aad umada gaarsiisan.

Dhanka kale waxaa Ardaydu ay Sh Cabdinaasir Xaaji Axmed ay wiidiiyeen su,aalo fara badan oo uu Sheekhu dhamaan tood ka jawaabay. Isku soo duubo waxaa kulankaani ku soo dhamaaday farxad iyo rayn rayn labada dhinacba ah waxaana balan lagu wadaqaatay in xaqa dadka la gaarsiiyo  xumaantana looga digo.

no images were found

NUUR JAAMAC AADAN
XAFIISKA WARBAAHINTA
MU,ASASADA AL-MINHAAJ PUNTLAND .
nuurjaamac21@gmail.com