Madaxwaynaha PL Dr.Gaas oo booqday xarunta Ciidanka Badda Puntland ee Boosaaso.[Masawiro]

Garoowe:-Madaxwaynaha Dawlada Puntland Mudane C/weli Maxamed Cali Gaas ayaa maanta Kormeer shaqo ku tegay Xarunta ay degan yihiin Ciidanka Ilaalada Badda Puntland PMPF oo ku taala Duleedka Magaalada Boosaaso ee Xarunta Gobolka Barri.

Cutubyo katirsan Ciidanka Badda Puntland ayuu Madaxwayne Gaas kaga qaatay Gudaha Xaruntaasi Salaan sharaf ay ku soo dhawaynayeen. Taliyaha Ciidanka Badda Puntland Admiral Cabdirisaaq Faarax Qare iyo Agaasmihaa Guud ee Ciidanka Badda Puntland Cabdinaasir Biixi Soofe iyo Saraakil sare oo katirsan Ciidanka Badda Puntland ayaa siweyn iyana u soo dhaweeyay Madaxwaynaha Dawlada Puntland.

Madaxwayne Gaas mudadii uu ku sugna gudaha xarunta waxa uu kulamo kula qaatay Masuuliyiinta ugu sareeya Ciidanka Badda Puntland ee PMPF ,waxana kamid ahaa masuuliyiintaas madaxa mashaariicd ee PMPF Mr.Xuseen iyo saraakil kale.

Waa Markii saddexaad oo uu Madaxwaynaha Dawlada Puntland Dr. Cabdiweli Maxamed Cali Gaas Kormeer ku tago saldhiga ay Gobolka Barri ku leeyihiin Ciidanka Badda Puntland PMPF.

no images were found

-DHAMMAAD-

Xafiiska Warfaafinta,Wacyigalinta,Hiddaha Iyo Dhaqanka ee Madaxtooyada Puntland