Madaxweynaha DFS tababar ugu soo xiray 1,033 askari xerada ciidanka Jasiira (Masawiro)

Muqdisho:-Madaxweynaha DFS Xasan Sheekh Maxamuud ayaa maanta tababar ugu soo xiray dufcadii labaad Ciidamo ka tirsan Kumaandos kuwaas oo mudo 10 bilood ah tababar ku qaadanayey  xerada ciidanka Jasiira ee duleedka magaalada Muqdisho.

Ciidamada tababarka loo soo xiray ayaa waxaa ay tababarka qaadanayeen mudo 10 bilood ah waxaana maanta xaflada loogu xiray tababarka ka soo qeyb galay Madaxweynaha DFS Xasan Sh Maxamuud.

Madaxweyne Xasan Sheekh Maxamuud ayaa khudbad kooban u jeediyey askarta loo soo xiray tababarka wuxuna ku booriyey in ay ka qeyb qaataan difaaca dalka iyo dad Soomaaliyeed.

Madaxweyne Xasan Sheekh Maxamuud ayaa yiri waxaa ay masuuliyada idinka saaran tahay dalkiina waxaana la idinka doonayaa in aad u adeegtaan shacbaka aadna la dagaalantaan cadowga umada aan waxba u reebaynin.

Ugu danbeyntii ayaa madaxweynaha DFS waxaa uu u dardaarmay askarta wuxuuna sheegay in ay ilaashaan magaca iyo dhaqanka lagu yaqaanay ciidanka dowladeed .

no images were found

Waxaa sidoo kale goobjoog ka ahaa xaflada tababarka loogu soo xiray ciidan gaaraya 1,033 askari Taliyaha ciidanka DFS Jen. Daahir Aadan Cilmi (Indha-qarshe) iyo sii hayaha xilka wasiirka Gaashaandhigga DFS  Gen Maxamed Sheekh Xasan Xaamud iyo masuuliin kale oo ka tirsan DFS.

A/Cawale
Halgan.net