M/weynaha Puntland Dr Cabdiweli Gaas Oo Maanta u dhoofay Dalka Ethiopia (Masawiro)

Garoowe:-Madaxweynaha Dawlada Puntland Dr.Cabdiweli Maxamed Cali Gaas iyo Wafdi uu hogaaminayo ayaa maanta oo ay taariikhdu tahay 14-12-2014  u dhoofay Dalka Ethopia gaar ahaan magaalada adisababa iyagoona ka amababaxay garoonka diyaaradaha ee Magaalo Madaxda Puntland ee Garoowe.

Madaxwaynaha ayaa waxaa socdaalkiisa ku weheliya Wasiirka Wasaarada Warfaafinta Puntland Cabdiweli Indha Guran, waxana Garoonka diyaaradaha ee Garoowe ku sagootiyey  madaxwayne ku xigeenka Dawladda Puntland Cabdixakiin Cabdulaahi Camay, Wasiiro, Xildhibaano, Saraakil katirsan Madaxtooyada Puntland iyo Dadweyne kale.

‘’Maanta waxaan u dhoofayaa magaalada Adis-ababa ee Dalka Ethopia oo aan ku maqnaan doono muddo saddex maalmood ah oo aana u tagi doono  howlo shaqo iyo weliba xoojinta xiriirka nagala dhaxeeya iyo weliba dhanka arrimaha amaanka’’Ayuu yiri Madaxweyne Gaas.

no images were found

Madaxwayne Gaas ayaa maalmaha kooban ee uu ku sugan yahay dalka Ethopia kulamo la qaadan doona madaxda dalkaasi kadibna waxaa uu dib ugu soo laaban doona dalka.

-DHAMMAAD-

 Xafiiska Warfaafinta,Wacyigalinta,Hiddaha iyo Dhaqanka ee Madaxtooyada Puntland.