Qarax khasaaro geystay oo ka dhacay iridda hore ee garoonka Aadan Cadde

Muqdisho:-Waxaa dhawaan ka dhacay qarax xooggan iridda hore ee Garoonka Diyaaradaha ee Aadan Cadde ee magaalada Muqdisho waxaana qarax sabab u ahaa gaari laga soo buuxiyey walxaha qarxa oo ay ka shakiyeen ciidanka Dowadda federaalka Soomaaliya ayna ku wadeen baaritaan.

Gaariga ayaa qarxay  xili ay Ciidanku ku wadeen baaritaan waxaana ka dhashay khasaaro iskugu jira dhimasho iyo dhaawac oo soo gaaray Askarta ciidanka dowladda Federeaalka Soomaaliya iyo dad shacab ah oo ka agdhawaa goobta.

Warar hordhac oo soo baxay ayaa sheegay in qarax uu ku dhintay  Taliyihii Ciidamada Nabad sugida Degmada Wadajir ee Gobolka Banaadir iyo 4 qof oo kale halka ay ku dhaawacmeen  ilaa 7 qof oo kale oo isugu jira Ciidanka Dowladda Federaalka Soomaalya  iyo dad shacab ah.

Dadka ku dhaawacmay qarax ka dhacay iridda hore Garoonka Diyaaradaha Muqdisho ayaa waxaa la dhigay Isbitaalka Madiina ee Magaalada Muqdisho, Ilaa hadda ma jirto koox sheegtay qarax ka dhacay Garoonka Diyaaradaha ee Aadan Cadde mana jiraan masuuliyiin ka tirsan DFS oo ka hadlay qarax.

A/cawaale
Halgan.net