107 qof oo ku dhintay Masjidka Xaramka ka dib wiish soo dumay (Masawiro)

Mekka:-Allaha u naxariistee ugu yaraan 107 qof ayaa ku dhintay Masjidka Xaramka ee magaalada Makka ka dib markii wiish uu ku dumay dhismaha masaajidka. Wiishka dumay ayaa waxaa loo aanaynayaa in uu sababay Roobab xooggan oo maalmihi u danbeeyey ka da’ayey magaalada Makkah ee dalka Sacuudi Carabiya.

Wiishka ayaa la sheegayaa in uu ku dhacay Danab ka dibna uu ku soo dhacay Maqaamu Ibrahim Gadaashiisa dhinac bari masjika xaramka. Masuuliyiinta dalka Sacuudi Carabiya ayaa saxaafadda u sheegay in ugu yaraan 238 qof ay ku dhaawacmeen.

Wiishkaan dhacay oo ahaa mid weyn ayaa waxaa sababay dhaawac iyo dhimasho xil boqolaal kun oo Muslimiin ah oo ka kala yimid aduunka oo dhan si ay u gutaan waajibaadka Xajka.

no images were found

Alle waxaan uga baryeynaa intii dhmatay in uu alle u naxariisto ehelkoodiina uu sabar ka siiyo kuwa dhaawacmayna in Alle u boogo dhayo.

A/cawaale
Halgan.net