Garoowe oo si weyn looga Ciiday iyo Madaxweyne ku xigeenka Puntland oo ka qeyb galay (Masawiro)

Garoowe:-Magaalada Garoowe ee xarunta dowlada Puntland ayaa waxaa saaka looga ciiday si weyn waxaana soo buuxdhaafiyey garoonka  Mire-awaare ee magaalada Garoowe Masuuliin ka tirsan Puntland iyo Dadweyne aad u tiro badan .

Madaxweyne kuxigeenka dowladda Puntland Cabdixakiin Cabdullaahi Cumar Camey oo ay weheliyeen xubno katirsan golayaasha dowladda Puntland iyo madaxweynihii hore ee Puntland Dr.C/raxmaan  Faroole ayaa la tukaday dadweyno tiro badan iyaga oo halkaas laga jeedshay baaqyo ku socda DFS iyo colaada ka dhex aloosan labada beelood ee oodwadaag ah ee isku leynaysa deegaano ka tirsan Howdka Sool.

Sheekh Maxamuud Xaaji Yuusuf iyo Sheekh Siciid ayaa aad ugu dheeraaday in la joojiyo colaada ka dhex aloosan labada beelood ee walaalaha ah waxaya hoosta ka xariiqeen in dagaalkaas uu yahay mid fitno ah oo xaaraan ah iyaga oo ugu baaqay masuuliinta Puntland iyo Isimada in ay si degdeg ah wax uga qabtaan sidii loo joojin lahaa colaada

Madaxweyne ku xigeenka Puntland ayaa baaq u jeediyey labada beelood ee ku dagaalamaya  howdaka gobalka Sool wuxuuna sheegay in dowladiisa ay dadaal ku bixisay joojinta colaada isaga oo balan qaaday in ay u diri doonaan deegaanada ay ka socdaan colaada waxgarad iyo masuuliin ka tirsan dowlada Puntland .

no images were found

Dhanka kale Madaxweynihii hore ee Puntland Dr C/raxmaan Faroole ayaa ku eedeeyey DFS iyo Madaxweyne Xasan Sh Maxamuud in ay ku fashilmeen hogaanka umada Soomaaliyeed ka dib markii ay fulin waayeen dhamaan balanqaadyadii ay balan qaadeen.

M_M Deeq
Halgan.net