Gudoomiyaha Degmada Qardho oo uu ku guuleystay Cabdi Siciid Cismaan (Masawiro)

Qardho:-Duqa degmada Qardho ayaa waxaa saaka loo doortay Cabdi Siciid Cismaan waxaana la tartamayey Faarax Cabdullaahi tartanka ayaa ahaa mid xiiso leh ooo ay dadweynaha gobalka Karkaar ay wada dhowrayeen.

Cabdi Siciid Cismaan ayaa waxaa uu helay 20 cod halka Faarax Cabdullaahi uu helay 9 cod Nabadoono ,Cuqaal ,Masuuliin ka tirsan dowlada Puntland ayaa goobjoog ka ahaa doorashada Gudoomiyaha degmada Qardho .

Doorashada Gudoomiyaha degmada Qardho ayaa waxaa u codeynayey ilaa 29 xildhibaan oo shalay loo dhaariyay golaha deegaanka degmada Qardho.

Cod bixinta ayaa waxaa ay ahayd mid qarsoodi ah waxaana ay ka dhacday hoolka Beeyada ee degmada Qardho.

Gudoomiye kuxigeenka Degmada Qardho ayaa sidoo kale waxaa u tartamayay labada musharax ee kala ah Eng. C/.risaaq Cumar Faarax iyo Maxamuud Ismaaciil waxaana ku guuleystay Eng. C/.risaaq Cumar Faarax oo helay 18 cod halka Maxamuud Ismail uu helay 11 cod.

no images were found

Dhamaan Musharixiinta laga guulaystay ayaa hambalyo u diray dhigooda ay la tartamayeen iyaga oo balan qaaday in ay garab iyo gaashaan u noqon doonaan maamulka Cusub

M_M Deeq
Halgan.net