Kulan ay isugu yimaadeen Ardayda Machadka Al-faaruuq Gaalkacyo oo soo gaba gaboobay[Masawiro]

Gaalkacyo:-Kulankaani oo ahaa Kulan waynihii 1aad ee ay isugu yimaadaan Arday dhigata iyo kuwa ka baxay Machadka Al-faaruuq Gaalkacyo ayaa waxaa uu socday muddo laba maalmood ah 12 ilaa13-Dulxija-1436 oo waa faqsanayd 26 ilaa27-September-2015 ayaa waxaa soo qaban qaabisay Munadamada Beder ee Ardayda ka baxday Machadka Al-faaruuq waxaana kasoo qayb galay:

1-Gudoomiyaha Jaamacada Bariga Afrika(JBA) Gaalkacyo Dr.Aadam Maxamed Cigaal.

3-Sh.Maxamed Axmed Cali (Madani).

5-Sh.Maxamed Saciid Muuse Gudoomiyaha Mu’asasada Al-Minhaaj ee Gobolka Mudug.

6-Ustaad Badal Maxamuud Sugulle Hormuudka Kuliyada Shareecada ee JBA Gaalkacyo.

7-Xubnaha Munadamada Beder ee Ardayda kabaxday Machadka Al-faaruuq Gaalkacyo.

8-Xubnaha Raabida Al-Birri ee Ardayda Kabaxday Machadka Bukhaar Galdogob

9-Raabidada Ardayda kabaxday Machadka Imaamul Muzani Koonfurta Gaalkacyo.

10-Ardayda Dhigata Machadka Al-faaruuq Gaalkacyo.

Kulankaan ayaa waxaa Ujeedooyinka loo qabtay waxaa ka mid ahaa:-

1.Isbarashada Ardayda Dhigata Machadka iyo kuwa kabaxay Macaahida Gobolka.

2.Xalinta Mushkiladaha Dhalinyarada Soomaaliyeed.

3.Helitaan Jiil Naftooda iyo Umadoodaba u wanaagsan.

4.In kalsooni lagu abuuro Ardayga.

5.In Dhalinyaradu ay Qaadaan Masuuliyada Dacwada iyo Dhawrka kaga aadan.

6.in la baro Ardayga waaqica eek u nool yahay ee Dacwada.

Intii uu socday Kulanku waxaa Ardaydu ay qaateen Afar Cashar , waxaana wehliyay Niqaash iyo in Afkaarta ku aadan Mawduucaasi lasoo bandhigo waxaana ay kala ahaayeen:

1.Khatarta Hayaanka Dhalinyarada (Sababaha iyo Xalka).

2.Radinta Bidcada iyo Khuraafaatka(Bidcooyinka Bulshada ku faafsan iyo qaabka loo baa bi in karo.

3.Ku dhaganaashaha Diinta iyo waxyaabaha Qofka ugu kaalmayn kara.

4.Masuuliyada Dhalinyarada ka saaran Bulshada gaar ahaan Dacwada.

Gaba gabadii Kulanka waxaa lagasoo jeediyay Bayaan iyo Dardaaranada Kulan weynaha oo gaarayay ilaa 13 Qodob, waxaa kale oo ka hadlay Gudoomiyaha Mu’asasada Al-Minhaaj ee Dacwada iyo Horumarinta Qaybta Gobolka Mudug Maxamed Siciid Muuse oo Ardayda kula dardaarmay Dhaqan galinta Cilmiga ay barteen.

Cabdiraxmaan Cabdinuur Cabdulaahi.​
Gaalkacyo,Somalia