Madaxweynaha dowladda Puntland Dr.Gaas oo lagu soo dhaweeyey magaalada Muqdisho.[Masawiro]

Muqdisho:-Madaxweynaha Dawladda Puntland Dr.C/weli Maxamed Cali Gaas iyo wefdi balaaran oo uu hogaaminayo ayaa maanta oo ay taariikhdu tahay 19-9-2015 siweyn loogu soo dhaweeyey magaalada Muqdisho . Garoonka diyaaradaha ee magaalada Muqdisho waxaa si weyn madaxweynaha iyo wefdigiisa ugu soo dhaweeyey Raysal-wasaare ku xigeenka Dawladda Federaalka Soomaaliya, Wasiiro, Xildhibaano, Haween, dhalinyaro iyo masuuliyiin kale.

Markii la soo dhaweeyey madaxweynaha iyo wefdigiisa ayaa loo galbiyey aqalka madaxtooyada , waxaana uu halkaasi uga qeyb-galay shir ay ka qeyb-galeen madaxweynaha Dawladda Federaalka Soomaaliya Xassan Shiikh iyo madaxweynayaasha maamulada dalka iyo madax ka socotay beesha caalamka.

Madaxweynaha Dawladda Puntland Dr.C/weli Maxamed Cali Gaas ayaa madasha shirka ka cadeeyey in Puntland mowqif keedu yahay in la helo Dawladnimo dhamaystiran oo u cuntamaysa shacabka Soomaaliyeed, si loo gaaro horumar iyo hiigsi cusub .

Madaxweyne Gaas iyo wefdiga uu hogaaminayo ayaa muqdisho u yimi sidii ay uga qeyb-geli lahaayeen Shirka wada-tashiga Soomaaliya oo ay ka qeyb-galayaan madaxweynayaasha maamulada Jubbaland iyo Koonfur galbeed Soomaaliya.

no images were found

-DHAMMAAD-
Xafiiska Warfaafinta, Wacyigelinta, Hiddaha Iyo Dhaqanka ee Madaxtooyada Puntland.