Madaxweynaha Galmudug oo wareysi siiyey Idaacada VOA- (Dhageyso)

Cadaado:-C/kariim Xuseen Guuleed, madaxweynaha maamulka Galmudug oo waraysi khaas ah siiyay VOA ayaa sheegay in iyaga iyo Ahlu-Sunnada ku sugan Dhuusamareeb ay u socdaan wadahadallo ku aadan sidii maamulkiisa loogu soo dari lahaa, balse wuxuu sheegay in haddii wadahalladu ay guul-dareystaan aanu maamulkiisu aqbali doonin ciidan madax banaan oo jooga dhulka maamulkiisu ka taliyo.

Qeybta koowaad ee wareysi uu C/kariim siiyay VOA ayuu kaga hadlayaa arrimahaasi iyo waliba safar isaga iyo wasiirka difaaca ee dowladda Somalia iyo abaanduulaha AMISOM ay maanta ku tageen ee gobolka Galgaduud, halkaasi oo uu C/kariim sheegay inay ka jirto xaalad daran, degmaduna ay go’doon tahay.

Qayb kale oo ka mid ah wareysiga madaxweynaha Galmudug oo uu kaga hadlayo xiisadda ka dhex-taagan iyaga iyo Puntland iyo waliba sida uu u arko mooshinka ka dhanka ah madaxweynaha Soomaaliya, waxaad ku dhegaysan doontaan idaacaddayada subaxnimo.

Waraysiga Madaxweynaha Galmudug C/kariim Xuseen Guuleed hoos ka Dhageyso

VOA Somalia