Madaxweynaha Puntland iyo J/land oo ka baxay Shirka wadatashiga ee ka socda Muqdisho

Muqdisho:-Madaxweynaha Dowladda Puntland C/weli Maxamed Cali Gaas ayaa iskaga baxay Shirka wadatashiga ee maalintii labaad ka soconaya Magaalada Muqdisho .

Wararka aan ka helayno magaalada Muqdisho  ayaa sheegaya in Madaxada Puntland ay ka baxeen Hoolka uu ka soconayo Shirka ee Madaxtooyada Soomaaliya ee Villa Soomaaliya waxaana buuqa uu ka taagan yahay sharciyada Galmudug ,Koonfurgalbeed ,Dastuurka iyo qaabka loo soo dhisayo madaxweynaha 2016.

Ilo wareed ku dhow madaxtooyada Puntland oo ku sugan Shirka wada tashiga ayaa noo Xaqiijiyay in Puntland ay ka baxday Shirka wadatashiga ee maalintii labaad ka soconaya Magaalada Muqdisho .

Dhanka kale wararka ka imaanaya haatan Muqdisho ayaa sheegaya in Jubbaland ayaa iyana saaka ka baxday Shirka wadatashiga ee maalintii labaad ka soconaya Magaalada Muqdisho .

Beesha Caalamka ayaa dadaal ugu jirta xalinta khilaafka soo kala dhexgalay maamulgobaleedyada iyo madaxda DFS.
Madaxweynaha Koonfurgalbeed Shariif Xasan Sh Aden ayaa isana soo jeediyey in Dastuurka dib loo eego khilaafkana lagu xaliyo wada hadal .

A/Cawale
Halgan.net