Madaxweynaha Puntland oo Digreeto ku magacaabay Gudoomiyaha Gobolka Nugaal

Garoowe:- Digreeto ka soo baxay Xafiiska Madaxweynaha dowlada Puntland Dr C/wali Max’ed Cali Gaas ayaa waxaa Gudoomiyaha gobalka Nugaal waxaaa looga magacaabay Jen Cumar Cabdulaahi Maxamed Faraweyne oo ahaa taliyihii hore ee ciidanka Madaxtooyada Puntland.

Afhayeenka dowlada Puntland C/laahi Maxamed Jaamac Quraan-Jecel ayaa saxaafada u aqriyey digreetada lagu magacabay Gudoomiyaha Gobalka Nugaal.

Madaxweynaha Puntlad ayaa sidoo kale u magacaabay Guddoomiye ku xigeenka Gobalka Nugaal Qaasim Maxamed Cabdi oo ahaa Xoghayihii Dowlada Hoose ee Dagmada Garoowe .

Isla galabta ayaa waxaa soo gaaray magaalada Garoowe ee xarunta dowlada Puntland Wafdi uu hogaaminayo Gudomiyaha cusub ee gobolka Nugal Cumar Cabdulaahi Maxamed Faraweyne waxaana si diiran loogu soo dhaweeyey magaalada Garoowe.

Cumar Cabdulaahi Maxamed Faraweyne ayaa markii uu soo gaaaray Garoowe la hadlay saxaafadda wuxuuna sheegay inuu soo dhaweynayo xilka loo magacaabay isaga oo balan qaaday in uu wax weyn ka qaban doono gobalka Nugaal.

M_M Deeq
Halgan.net