Mutamar Islaami ah oo ka dhacay magaalada Leicester.[Masawiro]

Leicester:-Waxaa maanta lagu qabtay magaalada Leicester Mutamarkii koowaad oo Islaami ah oo ay soo qaban qaabisay Mu’ssadda Irshaad waxaaana Mutamarka ka soo qayb galay gudoomiyaha Hay’adda culimada Soomaaliyeed Sheekh.Dr Bashiir Axmed Salaad oo ka yimid dalka Soomaaliya.

Gudoomiyaha hay’adda culimada Soomaaliyeed Sheekh. Dr Bashiir Axmed Salaad ayaa soo gaaray magaalada Leicester isagoo Khudbadii Jimce ka jeediyey Masjidka Ibnu Cutheymiin ee magaalada Leicester , Sh. Dr.Bashiir Axmed Salaad ayaa waxaa intii uu ku sugnaa magaalada Leicester waxaa uu kulan casho ah la qaatay masuuliyiinta Masaajidda Soomaaliyeed ee ku yaal magaalada Leicester isagoo siiyey warbixin kooban oo ku saabsan xaalada dalka Soomaaliyeed.

Gudoomiyaha Hay’adda culimada Soomaaliyeed Sh. Dr Bashiir Axmed Salaad ayaa waano wax ku ool ah u jeediyey ducaadii ka soo qayb gashay kulanka isagoo kula dardaarmay in ay dacwada dar dar geliyeen kana dheeraadaan afkaarta gurac ee lagu marin habaabiyo dhalin yarad.

Gudoomiyaha Hay’adda culimada Soomaaliyeed Sh. Dr Bashiir Axmed Salaad iyo culimadii kale ee ka qayb gashay Mutamarka ayaa waxaa ay casho sharaf u sameeyey ducaada Masjidka Ibnu Cutheymiin oo iyagu qayb libaax maanta ka qaatay qabsoomida iyo agaasimka Mutamarkaan Islaamiga ah waxaan ay caawa si wada jir ah u sagootiyeen culimada.

Dhinac kale waxaa xusid mudan in dadweynaha Soomaaliyeed  ee ku nool magaalada Leicester ay si weyn uga soo qayb galeen Mutamarka iyagoo dhagaystay dhamaan muxaadaraadka culimada ay jeediyeen waxaan mutamarka uu ku soo dhamaaday jawi wanaagsan.

Culimada ka qayb gashay Mutamarka Islaamiga ah ee ka dhacay magaalada Leicester ayaa waxaa ka mid ahaa:-

1. Sh.Dr. Bashir Axmed Salaad Somalia

2. Sh Dr. Cismaan Cali Faarax Uk

3. Shiikh Siciid Raaage Canada

no images were found

Muxaadaraadka culimada ay ka jeediyeen Mutamarka islaamiga ee magaalada Leicester oo dhamaystiran dib ayaan idinkaga soo gudbin doonaa insha allaahu.

Halgan.net