Ra’iisul-wasaaraha DFS oo casho sharaf u sameeyey Madaxweynaha Puntland Dr Gaas.[Masawiro]

Muqdisho:-Raysal-wasaaraha Dawladda Federaalka Soomaaliya Cumar Cabdirashiid Cali Sharmaarke ayaa maanta oo ay taariikhdu tahay 20-9-2015 qado sharaf hoygiisa magaalada Muqdisho ugu sameeyey Madaxweynaha Dawladda Puntland Dr.Cabdiweli Maxamed Cali Gaas.

Qada sharafta uu sameeyey Raysal-waasruhu waxaa sidookale lagu casumay Madaxweynaha Dawladda Jubbaland Axmed Maxamed Islaam, Wakiilka Xoghayaha guud ee Qaramada Midoobey u qaabilsan arrimaha Saomaaliya Danjire Nicholos Kay , Wasiiro, Xildhibaano iyo masuuliyiin kale.

Madaxweynaha Dawladda Puntland Dr.Cabdiweli Maxamed Cali Gaas ayaa Raysal-wasaare Cumar uga mahadceliyey qado sharafta uu ku casumay iyo sida wanaagsan ee uu ugu soo dhaweeyey magaalada Muqdisho, waxaana ay iska xog waraysteen xaaladda guud ee dalka .

Raysal-wasaare Cumar Cabdirashiid ayaa isna dhankiisa ku amaanay Madaxweyne Gaas dadaalada horumarineed ee uu kawado Puntland iyo guud ahaan Dalka Soomaaliya , maadama ay ka go’antahay in dalku horumaro helana Dawladda dhamaystiran.

Madaxweyne Gaas iyo wefdiga balaaran ee  uu hogaaminayo ayaa Muqdisho u yimi sidii ay uga  qeyb-geli lahaayeen shirka wada tashiga , waxayna Puntland uga qeyb-galaysaa shirkaasi sidii ay u soo gudbin laheyd aragtideeda ku aadan wada tashiga qaran ee dorashooyinka la rabo in ay dhacaan 2016-ka.

-DHAMMAAD-

Xafiiska Warfaafinta, Wacyigelinta, Hiddaha Iyo Dhaqanka ee Madaxtooyada Puntland