Golaha Wasiirada ee dowlada Jubaland oo la dhaariyey

Kismaayo:-Wararka ka imaanaya magaalada Kismaayo ee xarunta gobalka J/hoose ayaa sheegaya in Xubnaha golaha wasiirrada iyo madaxweyne ku-xigeennada koowaad iyo labaad ee maamulka Jubbaland lagu dhaariyey maanta magaalada Kismaayo ee xarunta ku meelgaarka ee Maamulka J/land.

Xaflad si weyn loo soo agaasimay ee lagu dhaariyey Xubnaha golaha wasiirrada iyo madaxweyne ku-xigeennada koowaad iyo labaad ee maamulka Jubbaland ayaa waxaa ka soo qeyb galay Masuuliin ka tirsan DFS iyo Jubbaland.

Golaha Baarlamaanka ee Maamulka Jubbaland ayaa horey u ansaxiyey Golaha Wasiirada ee Maamulka J/land ee uu soo magacaabay Madaxweynaha J/land Axmed Maxamed Islaan (Axmed Madoobe).

Cabdi Yare
Halgan.net