Kooxda Al-Shabaab oo Kismaayo ku dilay Sheekh horey uga Goostay (Daawo)

Kismaayo:-Kooxda Amniyaadka ee ka tirsan Alshabaab ayaa shalay ku dilay gudaha magaalada Kismaayo Allaha unaxariistee Sh Cabdullaahi Sheekh Maxamed Dalab oo horay uga mid ahaa kooxda Al-Shabaab balse markii danbe ka goostay markii uu arkay Afkaartooda guracan ee Islaamka ka fog.

Sheekh Cabdullaahi Sheekh Maxamed Dalab ayaa ku noolaa baryihii danbe magaalada Kismaayo ee xarunta gobalka J/hoose waxaana ay shalay Al-Shabaab ku dileen agagaarka isgooyska balcad gaar ahaan agagaarka xafiiska shirkada diyaaradaha ee Blu Sky.

Sarkaal ka tirsan Maamulka Jubaland ayaa sheegay in ay gacanta ku dhigeen ragii dilay alaha u naxariistee Sheekh Cabdullaahi Sheekh Maxamed Dalab.

Warbaahinta Al-Shabaab oo ku caan baxday been abuurka ayaa sheegtay in Sheekh Cabdullaahi Sheekh Maxamed Dalab in uu ahaa sarkaal ka tirsan Maamulka Juba land taas oo xaqiiqada ka fog.

Hoos ka Daawo Sheekh Cabdullaahi Sheekh Maxamed Dalab oo ka waramaya Afkaarta Guracan ee kooxda Al-Shabaab xiligii uu ka Goystay isaga oo wareysi siiyey Tv SNTV .

Cabdi Yare
Kismaayo