Gurmadka Culimada ee Abaaraha oo Raashin gaarsiiyay dad Tabaalaysan ee ku dhaqan Godob Jiraan.[Masawiro/Video]

Garoowe:-Guddiga gurmadka Abaaraha ee Culumada ayaa waxay usbuucan Raashin ka qaybiyeen Deegaanno ka tirsan Degmooyinka Buurtinle, Dangorayo, iyo Godob Jiraan. Culimada oo kaashanaysa bulshada deegaan walba oo ay gaarto islamarkaana xiriir la leh dad diyaar u ah in ayaa Eebe dartiis uga qayb qaataan Xoog Iyo Maskaxba sidii bulshada tabaalaysan loo gaarsiin lahaa gargaar ayaa soo xula deegaan walba dadka ugu jilicsan sidda in dhoolayaasha /agoomaha Iyo dadka la mid ka ah

Dhamaan goobihii loogu talagay in la gaarsiiyo deeqdaan oo laga soo aruuriyay shacabka ku nool Garoowe ayaa loo gaarsiiyay si hufan islamarkaana ay ku dheehan tahay xilkasnimo.Goobahaan la geeyay raashinka oo ka koobnaa ilaa 3 goobood waxaa goob walba la gaarsiiyay 120 qoys oo reer walba ay helaan Haaf Bur ah / Haaf Bariis ah / Caagad saliid ah Iyo 12.5 KL oo sonkor ah.

no images were found

Gudiga Gurmadka abaaraha ayaa dhankooda balan qaaday in wixii soo gaara ay gaarsiin doonaan meelaha ugu muhiimsan ee baahidu ka jirto. Shacabka la gaarsiiyay deeqdaan ayaa iyana dhankooda u mahad celiyay Gudiga gurmadka culimada ee Abaaraha waxayna codsadeen in waxwalba na loogu dhiibo culimada maa daama ay yihiin dad aamin ah.

Hoos ka Daawo Guddiga gurmadka Abaaraha ee Culumada oo usbuucan Raashin ka qaybiyeen Degmooyinka Burtinle, Dangorayo, iyo Godob Jiraan.

Nuuur Jaamac Aadan
Garoowe, Halgan .net