Waqtiga Doorashada Gudoonka Baarlamaanka Soomaaliya Oo Lagu Dhawaaqay

Muqdisho:-Guddiga qaban qaabada doorashada Guddoonka Baarlamaanka golaha shacabka iyo labadiisa ku xigeen ayaa maanta shaaciyay waqtiga ay dhacayso doorashada Afhayeenka Baarlamaanka iyo ku xigeennadiisa.

Gudiga ayaa kulan ay yeesheen ka dib waxaa ay warbaahinta u sheegeen in 11 ilaa 12ka Bishan January ay dhaceyso doorashada Guddoomiyaha Baarlamaanka Soomaaliya iyo labadiisa ku xigeen,waxaa laga doonayaa cid walba oo u tartameysa jagada Afhayeenka Baarlamaanka $15,000 oo Doollarka Mareykanka ah halka ku xigeennada laga qaadayo $10,000 oo Doollarka Mareykanka ah.

Guddiga qaban qaabada doorashada Guddoonka Baarlamaanka ayaa la filayaa in ay si rasmi ah u shaaciyaan shuruudaha laga rabo Musharaxiinta isku soo taagi doona qabashada xilka Guddoonka Golaha Baarlamaanka Soomaaliya iyo ku xigeennadiisa.

Waxaa sidoo kale guddiga uu si rasmi ah u shaaciyey in isdiiwan galinta musharaxiinta ay bilaaban doonto 3-4- bishan 8-9 bishana ay soo gudbin doonaan musharaxiinta wax qabadkooda .

Waxaa la dooran doonaa Afhayeenka Baarlamaanka 11 bishan halka ku xigeennadiisa la dooran doono 12bishan.

A/Cawale
Halgan.net