Ciidanka PSF oo howlgalo ka fuliyey degaanada Madarshoon,Karin Xagarood,Mariidle, Diindigle iyo Harweyn.[Masawiro]

Boosaaso:-Warsaxaafadeed ka soo baxay Ciidanka Amniga Puntland (PSF) kuwooda sida gaar ka u tababaran ee Kumaandooska ayaa lagu sheegay in xalay iyo maanta 22-23 September,2018 ay hawlgal qorshaysan oo ka dhan Al Shabaab ka fuliyeen degaanada Madarshoon,Karin Xagarood,Mariidle, Diindigle iyo Harweyn ee Buuraha Cal Madow, oo qiyaastii 53km kaga beegan dhanka Koonfur galbeed magaalada Bosoaso ee xarunta Gobolka Bari.

Ciidanka PSF ayaa warsaxaafadeedkooda ku sheegay in hawlgalkan ay ku dileen 12 xubnood oo ka tirsan ururka Al Shabaab, tiro kale oo intaa ka badana waxay gaarsiiyeen dhaawacyo kale duwan isla mar ahaantaana waxay ciidanka PSF ku guulaysteen in ay Al Shabaab ka sifeeyaan degaanada Madarshoon iyo Oobijaale ee Buuraha Cal Madow.

Dhanka kale, ciidanka PSF waxay hawlgallo ballaaran oo amniga lagu sugayo oo ay muddooyinkan dambe ka wadaan magaalooyinka kala ah Bosaaso iyo Gaalkacyo waxaan howl galadaas ay ku soo qabteen xubno ka tirsan ururada cadowga ah ee Daacish iyo Al Shabaab.

no images were found

Ciidanka PSF waxaa ka go’an in ay god iyo geed walba ka daba galaan kooxaha cadowga ah ee Puntland ku soo duulay , si kooxahaas looga ciribtiro loogana sifeeyo Puntland iyo guud ahaan Soomaaliyaba.

Xafiiska warbaahinta ee
Ciidanka PSF
Boosaaso, Halgan.net