Nabadoon Dhaqane Qaasim Amiin oo lagu qowracay Gurigiisa Degmada Baladxaawo

Baladxaawo:-Wararka naga soo gaaraya magaalada Baladxaawo ee gobalka Gedo ayaa sheegaya in Rag hubeysan ay weerar ku qaadeen hoyga Nabadoon Dhaqane Qaasim Amiin ee Degmada Balad-Xaawo ka dibna ay halkaas ku gowraceen .

Shacabka iyo waxgaradka magaalada Baladxaawo ayaa aad uga xumaaday uga naxay dilka naxariisdarada ah oo ay kooxda Al Shabaab u geysteen Nabadoon Dhaqane .Kooxda weerarka ku qaaday guriga Nabadoonka ayaa markii danbe guriga qarxiyey ..

Nabadoon Idriis Aaden Oo ka Mid Ah Nabadoonada Ku Dhaqan Magaalada Balad-xaawo ayaa warbaahinta u sheegay  In Nabadoon Dhaqane Qaasim Amiin  La Gawracay isaga oo dilka ku eedeeyey kooxda Al Shabaab.

Ciidamada Amaanka ee magaalada Baladxaawo ayaa soo gaaray guriga Nabadoon Dhaqane Qaasim Amiin iyaga oo qaaday meydka Nabadoon Dhaqane Qaasim Amiin alaha u naxariiste oo isla maanta lagu aasay magaalada Baladxaawo.

A/Cawale
Halgan.net