Qarax lagu weeraray Hotelka SYL ee magaalada Muqdisho

Muqdisho:-Wararka naga soo gaaraya magaalada Muqdisho ayaa sheegaya in gaari laga soo buuxiyey walxaha qarxa lagu weeraray banaanka hore ee Hotelka SYL ee ku yaal bartamaha magaalada Muqdisho ee caasiamada dalka Soomaaliya. Qarax oo ahaa mi weyn ayaa waxaa uu galaaftay nolosha dad badan oo ay ka mid yihiin dumar wax ku iibinayey banaanka hore ee Hotel SYL iyo weliba qaar ka mid ah ciidamadii ilaalada ka ahaa Hotel SYL.

Hotel SYL ayaa waxaa uu ku dhow yahay xarunta Villa Soomaaliya waxaan inta badan lagu qabtaa kulamo ama shirar ay yeelanayaa masuuliyiin ka tirsan dowladda Federaalk Soomaaliya.

Qaar ka mid ah saxaafadda ka howl gasha magaalada Muqdisho  ayaa sheegay in weerarka uu dhacay xili la doonayey in Hotel SYL lagu qabto kulan looga hadlayey amaanka magaalada Muqdisho.

Weerarka qarax ee lagu weeraray Hotel SYL ayaa waxaa ka dhashay dhimasho iyo dhaawac aan ilaa hadda tiradooda rasmiga ah aan la helin waxaana jira dad badan oo loo daad gureeyey rugaha caafimaadka kala duwan ee ku yaal magaalada Muqdisho.

A/cawaale
Halgan.net