Ciidanka Amniga Puntland (PSF) oo howlgalo ka fuliyey gobalka Bari

Ceelaayo:-Ciidanka Amniga Puntland (PSF) ayaa howlgalo lagu baacsanayo maleeshiyada Daacish waxay ka fuliyeen deegaano ka tirsan gobalka Bari gaaar ahaan Degmada Ceelaayo.

Ciidamada PSF ayaa waxaa ay howlgaladaas bilaabeen shalay waxaana intii ay howlalada wadeen ay cagta mariyeen xarumo ay ku dhuumaaleynsan jireen kooxda naflacaariga ah ee Daacish.

Saraakiisha ciidanka PSF ee gaaray degmada Ceelaayo ee gobalka Haylaan ee Puntland ayaa waxay kulamo gooni gooni ah la qaateen saraakiisha ciidanka Puntland ,Odayaal iyo waxgarad kale iyaga oo ku booriyey in ay iska dhiciyaan kooxaha ka soo horjeeda nabada Puntland .

Hawlgalada ciidamada PSF ay ku tageen Ceelaayo ayaa qayb ka ah hawlgallo ballaaran oo ay ciidamada Puntland kaga sifaynayaan Puntland kooxaha argagixisada ah ee Al Shabaab iyo Daacish .

M_M Deeq
Halgan.net