Mukhtaar Roobow oo lagu xiray Baydhaba

Baydhabo:-Wararka ka imanaya magaalada Baydhaba ayaa sheegaya in maanta halkaas lagu xiray Sheekh Mukhtaar Roobow Abuu Mansuur oo ah musharax u taagan xilka madaxweynaha Koonfur Galbeed ee Soomaaliya.

Laba ka mid ah xildhibaanada Koonfur Galbeed ayaa idaacadda VOA u xaqiijiyey in Roobow ay xireen ciidamada Ethiopia ee halkaas ku sugan.

Ilaa hadda lama yaqaan halka uu ku sugan yahay Roobow iyo sababta loo xiray, hase yeeshee dowladda federaalka ah ee Soomaaliya ayaa horey diidmo uga muujisay musharaxnimada Roobow.

Xaaladda magaalada Baydhaba ayaa lagu soo warramayaa inay kacsan tahay, oo ay ka dhaceyso rasaas, ayada oo isgaarsiinatana ay go’an tahay.


VOA Somalia
Halgan.net