Madaxweynaha Puntland Dr.Cabdiraxmaan Faroole oo gaaray dalka Yemen.

Sanca:-Madaxweynaha Puntland Dr. C/raxmaan Faroole iyo wefdi uu hogaaminayo ayaa maanta gaaray magaalada Sanca ee caasimada dalka Yemen. Wafdiga madaxweynaha Puntlland ee gaaray dalka Yemen ayaa waxaa ka mid ah wasiirka caafimaad ka Dr.Cali Cabdullahi , wasiirka amiga Col. Khaliif Ciise Mudan.

Madaxweynaha Dowladda Puntland Dr. Cabdiraxmaan Sh.Maxamed Farole oo ku sugnaa dhowr cisho magaalada Dubai ayaa waxaa uu casuumaad rasmi ah ka hellay Madaxweynaha dalka Yemen Abdi Rabbuh Mansur Hadi. Wafdiga  Madaxweynaha Puntland waxaa soo dhaweeyey wasiirka arrimaha gudaha, safiirka dowladda Federaalka Soomaaliya ee Yemen iyo saraakiil ka tirsan madaxtooyada dalka Yemen.

Wafdiga Madaxweynaha Puntland inta ay ku sugan yihiin dalka Yemen waxaa la filayaa in ay kulamo gooni gooni ah la qaadan doonaa  madaxda ugu saraysa dowladda Yemen, wax yaabaha la filay in wafdiga Puntland kala hadlaan dalka Yemen waxaa ka mid ah Tahriibka, burcadbadeedka, iyo ganacsiga.

Ma ah markii ugu horaysay  oo Madaxweynaha Puntlland  iyo wafdi la socda ay safar martiqaad ah ku gaaraan  Yemen  waxaan sanadkii 2010 madaxweynaha Puntlland uu kulan la qaateen  Madaxweynihii hore ee dalka Yemen Cali Cabdalle Saalax.

M_M_Deeq
Halgan.net