Xildhibaanada Baarlamaanka DFS oo maanta loo qeybinayo mooshinka ka dhanka ah R/W Cabdi weli

Muqdisho:-Xildhibaanada Baarlamaanka DFS ayaa maanta lagu wadaa in loo qeybiyo mooshinka ka dhanka ah Xukuumada Raisulwasaare Cabdiweli Sh xili ay wili ay xubnaha baarlamaanka DFS u kala jaban yihiin laba garab oo kala taageersan Madaxweynaha DFS iyo Raisulwasaare Cabdiweli Sh Axmed.

Xildhibaanada kala taageersan laba Masuul ee u sareeya DFS ayaa qolo walba ku faaneysaa in ay iyagu yihiin tirada badan waxaana ay shirar kala duwan shalay ilaa xalay ku yeelanayeen Hotelada magaalada Muqdisho.

Ajandaha maanta hor yaal golaha baarlamaanka DFS ayaa ah in la qeybiyo Mooshinka ka dhanka ah Raisulwaasaraha DFS Cabdi weli Sh oo sadex mar lagu qeybin waayey Golaha Baarlamaanka DFS .
Guddoonka Baarlamaanka DFS ayaa dhawaan shaaciyey in xal laga gaaray khilaafkii u dhaxeeyay xubnaha baarlamaanka waxaana xukuumada Raisulwasaare Cabdi weli uu ku dhici karaa hadii 139 xildhibaan ay kalsoonida kala noqdaan.

Shacabka Soomaaliyeed ee ku sugan dalka gudahiisa iyo dibadiisa ayaa dhowraya xaalka uu ku soo dhamaado Mooshinka ka dhanka ah Xukuumada Raisulwasaare Cabdi weli .

A/Cawale
Halgan.net