Madaxweynaha PL oo kormeer shaqo ku tegay xarumo muhim ah oo ku yaal Boosaaso.[Masawiro]

Boosaaso:-Madaxweynaha Dawladda Puntland Dr.Cabdiweli Maxamed Cali Gaas ayaa maanta kormeer shaqo ku tagay Xarunta Wasaarada Maaliyada Puntland ee magaalada Boosaaso ,Xarunta maamulka Gobolka Barri iyo sidoo kale Xarunta Bankiga dhexe ee Dawladda Puntland. Kormeerka shaqo ee madaxweyne Gaas oo saldhig u ah u kuur gelida habsami u socodka shaqo ee xarumaha dawladda ayaa waxaa ku wehliyey qaar kamid ah Golaha wasiirada Dawladda Puntland iyo saraakil katirsan Madaxtooyada Puntland.

Waxana intuu uu ku guda jira kormeerka uu kulamo la qaatay madaxweynuhu maamulka iyo shaqaalaha ka howlgala xafiisyadaas isagoona kula dardaarmay dardar gelinta howlaha shaqo ee loo idmaday.

Madaxweynaha Dawladda Puntland Dr.Cabdiweli Maxamed Cali Gaas ayaa sidookale warbixino ka dhagaystay masuuliyiinta xarumahaasi uu booqday ,waxana uu ku wargeliyey in lagama maar maan ay tahay kor u qaadista iyo tayaynta adeega bulshada.

no images were found

-DHAMMAAD-
Xafiiska Warfaafinta,Wacyigelinta,
Hiddaha Iyo Dhaqanka ee Madaxtooyada Puntland.