Madaxweynaha Dawladda Puntland Dr.Cabdiweli Gaas oo dhagax dhigay Garoonka Diyaaradaha ee Boosaaso (Masawiro)

Boosaaso:-Madaxweynaha Dawladda Puntland Dr.Cabdiweli Maxamed Cali Gaas ayaa maanta oo ay taariikhdu tahay 4-12-2014 si rasmi ah u dhagax dhigay mashruuca dhismaha Garoonka diyaaradaha caalamiga ah ee Boosaaso.

Xaflad balaaran oo loo qabtay dhagax dhiga kana dhacday gudaha Garoonka diyaaradaha ee Boosaaso ayaa waxaa ka soo qeyb galay Wasiiro katirsan xukuumada Puntland, Waxgarad ,Aqoonyahano ,Safiirka Dawladda Talyaaniga u qaabilsan soomaaliya,

Madax ka socotay hay’ada UNOPS iyo madaxda shirkada dhisaysa garoonka ee CCECC , wafdi ka socday dawladda Jabuuti , xildhibaano katirsan baarlamaanka Puntland iyo Baarlamaanka Dawladda Federaalka soomaaliya , madax ka socotay beesha caalamka iyo marti sharaf kala duwan.

Madaxweynaha Dawladda Puntland Dr.Cabdiweli Maxamed Cali Gaas oo khudbad dheer oo taariikhi ah ka jeediyey madasha ayaa sheegay in maanta ay si habsami leh u bilaabanayso dhismaha garoonka diyaaradaha Boosaaso kaasi oo laga dhigayo mid caalami ah oo la jaanqaada Garoomada diyaaradeed ee ku yaala Dalalka caalamka.

‘’Dadka Puntland horumarka ay ka istaahilaan dawladooda inay helaan ayaan rajeynayaa in sha,allah ,wadanku haduusan lahayn kaabayaal dhaqaale horumarka aan u baahanhay in aan gaarno ma helayno’’Ayuu yiri Madaxweyne Gaas.

‘’Qofka kuu imaanaya marka hore waxa uu eegayaa badeecadiisa halka uu ka dhoofsanayo ,see wadanka ku imaanaya jidkee maraya waxaan u baahanahay marka in aan u abuurno ganacsatadeena awoodi ay ku maal gashan lahaayen dalka’’Ayuu yiri Madaxweyne Gaas.

‘’Sidookale wa in aan qurbo joogteena u keeno,walaalaheena dariska ah ay nagu maalgashadaan kambaniyo caalami ah aan ku keeno kagana faa iidaysano kheyraadkeena say u soo saari lahaayen ,kalluunkeena ,xoolaheena ,macdanteena iyo shidaalkeena ‘’Ayuu hadalka raaciyey Madaxweyne Gaas.

‘’Macdanteena ma maalgashan karno hadaan jid haysan ,kalluun ma maalgashaneen hadaana haysan dakedii laga dhoofin lahaa oo xoog weyn iyo airaporkii laga dhoofin lahaa aargoosatadeena’’Ayuu yiri Madaxweyne Gaas.

no images were found

‘’Waa inaan abuurnaa jawigii abuuri lahaa nabad gelyada sababtoo ah hadaadan nabad heysan cidna kuu imaan mayso ,garoon diyaaradeed baan dhisanaynaa reer Boosaaso iyo reer puntland dhammaantood waxaan ka rabnaa nimanka walaalaheena ee noo yimi oo 24-ka saac shaqaynaya in soo dhaweynta ugu fiican naga helaan nabad gelyada ugu wanaagsan ay naga helaan ‘’Ayuu yiri Madaxweyne Gaas.

Puntland ayey maanta u tahay maalin taariikhi ah maadama si rasmi ah uu Mdaxweynaha Dawladda Puntland Dr.Cabdiweli Gaas u dhagax dhigay mashruuca dhismaha Garoonka diyaaradaha caalamiga ah ee Boosaaso,waxana ay maanta noqonaysaa maalin kamid ah maalmaha ku weyn umadda reer Puntland.

-DHAMMAAD-

Xafiiska Warfaafinta,Wacyigelinta,Hiddaha Iyo Dhaqanka ee Madaxtooyada Puntland.