Madaxweynaha DFS oo la filayo in saacadaha soo socda uu ku dhawaaqo Raisulwasaaraha Cusub ee DFS

Muqdisho:-Wararka naga soo gaaraya magaalada Muqdisho ayaa sheegaya in xarunta Villa Soomaaliya ay ka socdaan Qaban qaabada xaflada ku dhawaaqista Ra’iisul Wasaaraha cusub ee DFS waxaana looga yeeray xarunta Madaxtooyada wariyaasha caalamiga ah iyo kuwa ka howlgala magaalada Muqdisho.

Warar laga helayo Madaxtooyada villa Soomaaliya ayaa sheegaya inay u badan tahay in loo magacaabi doono xilka Ra’iisul Wasaaraha DFS Cumar Cabdirashiid Cali Sharma’arke, waloow aysan ilaa haata jirin war rasmi ah oo ka soo baxay Xafiiska Madaxweynaha DFS Xasan Sheekh Maxamuud.

Madaxweynaha DFS Xasan Sheekh Maxamuud ayaa xalay la kulmay Cumar Cabdirashiid lama oga ilaa haatan waxay ka wada hadleen marka laga reebo tuhunka saxaafada maxaliga ee ah in ay ka wada hadleen qaabka loo soo dhisayo golaha wasiirada DFS.

Saacadaha soo socda ayaa waxaa kala cadaan doona hadii alle idmo cida uu xilka  Raisulwasaaraha DFS uu u magacaabi doono Madaxweynaha DFS Xasan Sheekh Maxamuud.

A/Cawale
Halgan.net